乘客 : 我電召的時候話十分鐘後要去到機場. 係唔係 ?
的士司機 : 你電召的時候, 接線生係話, 我地會討論十分鐘後會去到邊, 而且一分鐘
前佢應該同你講左十分鐘後去唔到機場
乘客 : 但我電召的時候, 你地話我七點零八分一定去到機場
的士司機 : 我地有解釋我地接線生講話內容的權利, 而家話七點零八分去唔到機場
乘客 : 咁幾時去到機場 ? 同你會行邊條路 ?
的士司機 : 好難講幾時去到, 我同你需要有去到機場係邊度落車的共識, 先可以話比
你知幾時到
乘客 : 去機場, 仲點解要有共識 ?
的士司機 : 唔係架, 有好多人去舊機場, 所以我地先要知道你要去新機場定係舊機場
先得
乘客 : 講明機場, 點會係講舊機場 ?
的士司機 : 呢個好難講, 機場的定義仲未有共識 ?
乘客 : 咁我唔上車啦
的士司機 : 如果你唔上車, 責任係你度, 你要比我來的時候的油錢, 同埋我會係度等
你上車, 時間照計, 你都要比錢
乘客 : 有乜可能係我比 ?
的士司機 : 係, 所以你上車先啦
乘客 : 咁講咁耐, 即係你會行邊條路去機場, 同埋幾時去到 ?
的士司機 : 總之你上車先, 咁我地再睇下, 係邊個機場, 再討論點樣定條路線, 跟住
就可以定路線, 咁時間就自然有
乘客 : 我連你幾時去到都未知, 行邊條路又唔知, 點上你車 ?
的士司機 : 你想去機場, 我又想車你去機場, 大家係呢方面係一致, 只不過大家唔知
究竟去邊個機場, 所以唔可以講路線比你知
乘客 : 容乜易上左你車, 我聽日都去唔到架 !
的士司機 : 只要你上車, 你離機場的距離就近好多, 總之你上車先啦 ! 你唔上車, 只
會原地踏步

乘客 : 但上左你架車, 可能離機場仲遠 !
的士司機 : 你而家係十字路口度, 所以要上車先, 你而家企係度, 都去唔到機場
乘客 : 但我企係度, 都好過唔知比你車左去邊 ?
的士司機 : 我想講, 我真係好有誠意車你去機場, 但我地唔可以咁快, 因為我地對去
邊個機場都未有共識, 總之, 你上左車, 離機場就好近架啦

你係乘客, 你會點做 ?

Rate this topic:

(No Ratings Yet)

 Loading ...