壞男人的來源??
chris | 29 九月, 2005 13:21
壞男人的來源??
10歲之前:乜都唔識，算啦！
13歲:開始對女孩子有好感，但當其時離女孩子遠遠，以討厭女孩自居，怕被同伴嘲笑。
15歲:聽到大人話某個男人花心將女朋友飛o左，個女朋友自殺，佢覺得呢個人真係恨毒，將來一定要一生只愛一人。
16歲:佢喜歡上一個女孩，不過唔敢同佢講，仍然好似平時咁樣，一臉灰咁o係球場上踢波，只係響女孩走出學校門口的時候，躲到走廊背後，睇佢背影，覺得佢係個天使。
17歲:有個女仔鍾意o左佢，但係佢離呢個女仔好遠，因為佢心里面只有佢自己果個女仔，佢覺得睇第二個女仔都覺得對佢不忠。
18歲:睇o左一個MV，感動到想喊，佢諗如果佢自己女朋友失去o左雙眼，佢一定會好似男主角咁，毫不猶豫咁將自己果個眼角膜比o左佢，令到佢可以重見光明。
19歲:高考啦，終於同自己暗戀女孩分別，去其他學校考試時候覺得自己離佢越來越遠，心好似淘空o左一樣，仲響到諗自己以後都唔會忘記佢，等自己將來成功之後一定要去搵佢。
20歲:聽到有人講黃色笑話覺得呢個人真係卑鄙。
21歲:以前暗戀女仔有男朋友啦，就係咁，為o左呢樣o野偷偷o地響屋企喊o左成晚。
22歲:佢向一個女仔表白，女仔話：你係好人，不過我仲細。佢諗：呀！我真係一個好人o黎嫁。然後話：唔緊要，我可以等您，三年、五年我都可以等您。
23歲:呢個女仔同一個靚仔戀愛啦，長大原來可以咁快。
24處：佢又向一個女仔表白，女仔話：你係個好人，不過我唔適合你呢！(o下，我係好人，咁點解我唔適合你呢？)
25歲:佢又追求一個女孩，女孩接受o左佢，佢就開始幸福咁為未來拼博，心諗一時開心只係短暫，只有努力拼博將來先有幸福快樂。但係半年之後，呢個女仔同佢分手，因為另外一個男仔會同佢講一D令佢開心說話。呢個女朋友話：你係個好人，係我對你唔住。
自此，佢似乎明白問題所在：佢係一個好人。
26歲:佢開始墮落啦，佢打扮得時尚而且"酷"呀，並且漸漸學習講一D女仔鍾意聽說話。無幾耐有個女朋友啦，雖然佢對呢個女仔好好，但係心里面知道自己其實唔愛佢。
27歲:同呢個女仔分手啦，佢同女仔講：你係個好女仔，係我對唔住你。
28歲:佢試過One
Night
Stand，發覺人地做到原來自己都得架喎。
29歲：學識o左講黃色笑話，而且睇住隔離果D女仔臉紅，真係過癮。
30歲:忽然發覺自己好有能力追到女仔，但係已經失去愛能力。
其實每個男仔，本來都想做一個感情專一好男人，其實每個男人本來都係睇女孩子樣，唔係睇身裁，其實每個男人本來都係唔講咸濕笑話，其實每個男人本來都係渴望愛一個女人直到永遠……
不過……好似無女仔鍾意咁樣男仔，咁樣男仔太幼稚，太古板無情趣！
女人呀，男人變壞你地有無責任呢？
Posted in
文章 .
迴響: (2).
引用:(0).
靜態連結網址
«Next post |
Previous post»
1. 阿寶 | 09/30,2005 at 12:50
以前我就因為成日同女朋友講真話所以鬧交，依家唯有半真半假咁去做人，竟然相安無事，女朋友仲好開心！唉....都唔知乜野世界....逼人講大話！
2. 壞男孩 | 09/29,2005 at 23:19
男生不壞,女孩不愛.