香港受到新一波偷渡潮侵襲，來者唔係非法入境無證人士，而係遺禍萬年、危害子孫後代?電子洋垃圾。加拿大政府調查報告顯示，一年來已經截獲五十
個貨櫃，總共五百幾噸有毒電子垃圾被人意圖偷運到香港或者內地。直接危害子孫?係洋垃圾，但係大開中門，禍港殃民?，係顢頇無能?特區政府。

加拿大工程師話，截獲?電子垃圾只係冰山一角，除?加拿大之外，美國、歐洲等先進地區亦經常聽聞有電子垃圾運?香港。最近幾年，畀人棄置?香港堆填區?電子廢料每年超過兩萬噸，而政府截獲?進口電子垃圾，一年只有一千五百幾噸，靠特區政府護港，蛇都死矣。

市民去新界行?，可以見到電子廢料工場林立，有成百間咁多，僱有大批黑工從事拆解工作，開到成行成市，搞到環境烏煙瘴氣，山明水秀?農村廢水橫流，見到此情此景，就知道香港儼如電子垃圾第一收容港，對香港環境?損害令人慘不忍睹。
明年電子洋垃圾偷運香港?浪潮將會更加熾熱，香港處境更加險惡！因為電子產品已進入全面更新換代，例如液晶顯示屏幾乎取代陰極射線管，而平板電視已成為家電主流，傳統電視機、背投電視機逐步淘汰，雙核已成手提電腦主流。所有被淘汰的電子產品將被用家拋棄，而歐美對拆解電子產品有嚴苛條例規管，就地處理成本甚高，橫掂香港政府軟弱可欺，洋垃圾唔質畀香港，又質畀邊處呢？

香港特區雖然高掛中國旗，但?官都係飲洋奶大，骨子有恐洋症，洋貨進口，鮮有嚴格檢查。雖云有法例規定進出口有害廢物，必須申請許可證，但係商人報關換個名堂，隨時可以狸貓換太子，輕易過骨，特區官僚做?，有姿勢冇實際，係人都知啦！

香港成為洋垃圾傾瀉之地，皆因特區政府無能所致，官僚架構重重疊疊，不同部門互相推諉責任，終於弄致香港中門大開，洋垃圾滾滾而來。

俗語說，「一個和尚擔水食，兩個和尚抬水食，三個和尚無水食。」香港廢物處理場?監管涉及部門之多，何止三個。危險廢物入口許可證由環保署簽發，抽查權力由海關執行，黑工問題要由入境處去負責，廢物處理場有冇違反土地用途，則由地政總署監察。各個部門步調不一致，責任互推，於是廢料場經營者變?冇王管，生意愈做愈旺，而政府繼續隻眼開、隻眼閉，任由各種重金屬滲入泥土，永久污染新界土地，而毫無辦法制止。香港納稅人年花巨款去養公務員，唔單止不能保護香港環境不受污染，龐大?官僚架構，互相牽制，反成為破壞環境者?保護傘，納稅人?血汗花得太冤枉。

特區政府昏庸至此，市民不敢指望佢福為民開，但望佢能夠阻擋電子洋垃圾湧港，幸勿禍延子孫，於願足矣！

Rate this topic:

(No Ratings Yet)

 Loading ...