小心！打機靚賤仔 滾女呃武器
小心！打機靚賤仔 滾女呃武器
Onlinegame一向是界熱玩，game中的虛擬寶物亦有價有市，
因此經常惹來黑客垂涎，入侵玩家帳戶盜取寶物。上月，
熱爆onlinegame《仙境傳說》就發生集體跨境盜竊案，逾五
百名本港及台灣玩家的虛擬寶物、裝備及金錢，均遭駭客
盜走，欲哭無淚！
不過，被偷武器事小，被呃感情事大！
不少仔玩家為盡快升「Lv」（level，即級數），在game內
專向高Lv的少女玩家埋手，假情假意展開追求，暱稱對方
「老婆」，甚至在game內「結婚」。
十九歲的靚仔玩家莫言，為求達到升Lv目的，接二連三在
onlinegame滾女呃武器，期間更試過一腳踏兩船，成功得高
級武器後，就極速向對方提出分手！各位少女game迷，小心
！
靚仔寧打機不落D
外表有點像謝霆鋒的莫言，平日愛作潮人punklook打扮，除
了有紋身，左耳更穿了五個環，外形甚煞食，晚晚落D女
幾乎是他的指定動作，玩到通宵達旦才回家。但在一年
前，莫言卻迷上以黑幫互相廝殺、爭奪地盤的本地online
game《古惑仔online》，從此絕跡D場。
「我見朋友玩，自己又玩埋一份，game入面殺人真係好過
癮！每殺一個人，唔知點解我就覺得勁high，所以索性連D
都唔落，日日匿屋企打機打成十二個鐘，然後三個鐘起身
再打過，要不斷升Lv先有滿足感。」該game取材自本地漫畫
《古惑仔》，玩家可選擇做警察或古惑仔，兩方面互相對
抗，古惑仔以成為game中社團fit人為勝利。至於做警察就
可選擇捉賊或與古惑仔同流合污。
現年十九歲的莫言，家住屯門，與父母同住。一年前任職
運輸散工，但只有中三學歷的他經常無工開，現實生活中
的挫敗，令他更希望在game內尋求成功感。他先後在該game
開了四個account，兩個扮演古惑仔，兩個扮演警察，正邪由
他玩晒。
經過數過月的苦練，他其中一個以「飛虎XX」為網名的古
惑仔account已升至120級level，成為game中幫會的「管數
人」。他說；「呢個位已經係一人之下萬人之上，但若要
繼續升級至幫會龍頭，就需要不斷尋找高級寶物，但寶物
卻是隨機出現，可遇不可求。」於是他就以靚仔本錢施展
滾女賤招，向擁有罕見寶物的異性玩家埋手。
賤招1女結婚做老婆
「我個名（飛虎XX）在game界已經玩到響晒朵，原本已經吸
引唔少女仔仰慕我！不過通常一低Lv人我係唔會回應
（一般onlinegame都設有玩家互相即時對話系統，可選擇公
開或私人對話。），不過當時有個十七歲的『古惑女』
Miki，級數只低我幾級，主動撩我傾偈，又不斷幫我買藥補
充能源，好似好受，不過最重要係俾我發現佢有把『金
刀』，呢把要成幾十萬（虛擬貨幣）先買到，如果有佢，
斬人快好多！」莫言於是透過即時對話，開始女。
「我問佢：『你有無老公？不如你做我老婆仔，一齊合力
升Lv啦！』她一口就應承。」
在《古惑仔》中，所有角色都可以尋找老公、老婆結婚，
目的是互惠互利殺人升Lv，莫言也和Miki在game內結婚，暱
稱對方為「老婆仔」，又不時派出自己另一個警察account傍
住Miki升級，成功博取信任。
「當時大家都有透過MSN交換相，估唔到佢長頭髮、眼大
大，都幾靚女，咪約佢出旺角行街睇戲。見到面，我扮到
好情深問佢：『講真你有無男朋友？不如真係一齊啦！』
於是就真的開始拍拖！」
不過莫言口中的拍拖，其實大部分時間也只是在game內虛擬
地進行，之後他只約了Miki再出多一次街，原因並非想見
她，而是念念不忘那把「金刀」！
莫言洋洋得意道：「我掛住隻game多過掛住佢啦，當時我真
係好沉迷隻game，如果無任何一樣武器，我跳樓都似！終
於和她拍拖個多星期，我就成功向她借了把『金刀』，哈
哈！」
(No Ratings Yet)
Loading ...